25 d’avust 2023, a las 18:00 en la Lounge RTR, Via da Masans 1, Cuira
L’emissiun Impuls da RTR festivescha il 30avel anniversari. Per quest giubileum envida RTR ad in aperitiv litterar ils 25-08-2023 a las 18:00 en la Lounge RTR en la chasa da medias a Cuira.
L’autur engiadinais Dumenic Andry, l’autura surmirana Zegna Pittet-Dosch e l’autura Myriam Pelican che scriva en rumantsch da Domat, vegnan a preleger impuls novs e vegls che han sco punct da partenza muments, observaziuns ed inscunters che sa dattan en lur mintgadi. In impuls per ils Impuls vegn da la scriptura Romana Ganzoni. Flurina Badel moderescha la saira.