7. März 2026, 17h45-18h40, Fribourg
https://chstiftung.ch/fr/aller-retour/le-programme
La mort andetga da la mamma bitta Aita ord chanvà. Ella na sa dosta betg, cura che la chasa paterna vegn vendida, sco gia bleras autras chasas engiadinaisas tradiziunalas amez il vitg, a tgi che fa la meglra offerta. In pèr da la Svizra tudestga vegn a duvrar ella sco chasa da vacanzas per mitschar da la tschajera da la Bassa. En il fratemp mitscha Aita, suenter ch’ella è puspè turnada en il vitg da sia uffanza, en la tschajera en ses chau, entant che Luis, il possessur da la butia dal vitg, s’engascha energicamain per mantegnair abitaziuns pajablas per la populaziun indigena. La resistenza ch’el scuntra, al lascha bunamain perder il sguard sin l’essenzial. “Tschiera, l’emprim roman da Flurina Badel, tracta ina tematica actuala per sia patria, l’Engiadina Bassa. L’entira cuminanza dal vitg è pertutgada da questa tematica. Ruth Gantert, che ha gia translatà texts lirics da Flurina Badel, ha uss translatà il roman en tudestg. Al Festival aller↔retour vegn Nebelflüchtige preschentà per l’emprima giada al public.
Discurs en tudestg, moderaziun: Florence Widmer
L’occurrenza vegn preschentada da l’uniun Zuger Übersetzer.