Il roman «Tschiera» da Flurina Badel – uss era per tadlar
Cun plaschair preschenta la Chasa Editura Rumantscha il cudesch auditiv dal roman «Tschiera» da Flurina Badel ch’è vegnì premià quest onn cun il Premi grischun da litteratura. L’autura da l’Engiadina Bassa raquinta en ina lingua impressiunanta da la necessitad dolurusa da prender cumià d’in lieu che n’è betg pli il dachasa d’ina giada. En la versiun auditiva da «Tschiera» accumpogna la vusch da Flurina Badel las audituras ed ils auditurs durant var sis uras. Il cudesch auditiv po vegnir acquistà sco download digital e sco disc en format MP3.
Ina prova auditiva chattais Vus sin nossa pagina d’internet: https://chasaeditura.ch/tschiera-audio/